左彈彈右彈彈！！

我不在戀愛的狀態

2009-09-24T23:42:00.000-07:00

“我不在戀愛的狀態”，這句話是出自一位新婚女星接受訪問時作出的回答，她說出了我的感覺！

“一個人一生幸運的可能會有一次機會遇上真心可以愛的人，更幸運的可以跟相愛的人終老，但，大部份的人窮一生也不可能遇上真正喜歡的對偶。“　這是一部電影裹的某句對白。

“天地真大，人真小，人怎樣自處？”　這是【白銀帝國】裹的開場白！！

找一個出口或是找一處跳樓！！

2009-05-11T02:41:00.000-07:00

經濟低微，人人擔心冇飯開！！活到三十幾歲先知人間苦况，我都算執到啦，咁証明自己幸福囉，直至這個大海潚，眼白白睇住公司內幾個好友突然執包祔，心裹酸酸地有了傱來沒有的感覺﹣心慌！

慌死下一個是我，慌死再揾唔到工做，慌死俾唔到家用，慌死以後做唔到facial, 慌死俾唔到人情，更慌死自己慌唔死咁總死！！！乜原來冇咗份工咁得人驚㗎，以前真係傱來未驚過，原來從來未見過風浪！！冷靜，冷靜，再冷靜，其實頭先驚咁多嘢，最終得一樣嘢驚，真係驚俾唔到家用，阿媽餓親就點都唔得，其他嘢話知佢！！再冷靜想想，阿媽又唔係要我十萬九千七，有手有腳上山下海，冇話養佢唔到，頂多食得冇咁飽啫！！阿媽醒目啊，生得我手粗腳大，做唔成寫字樓頂多埋去收銀啊，侍應啊之類啦！！可惜年紀有翻咁上下唔做得小姐，如果唔係．．．有乜所謂，慘得過餓死！！我真係咁諗㗎！！

中華兒女能屈能伸，至緊要有強烈生存意志，乜時候都好，老虎都打死幾隻啦！！！！唔見咗錢，再揾過，唔見咗份工再揾過，唔見咗乜都好啦，冇所謂，唔好唔見條命就得啦！！！

藍天社長

2009-04-20T01:10:00.000-07:00

那一日，藍族回歸

沒有人會記得當天的情形，又或者，沒有人想記起！！要死的，死了；不死的，瘋了！

只有她一個，她沒死也沒瘋，而且她當了皇，當了敵人的皇，

做大人，就要承擔

2009-04-14T05:10:00.000-07:00

埋以為呢件事好易，當你要擔嘅時候，你就可能會同機場阿嬸一樣，瞓地發爛，雖然賺得張頭等機票,但尊嚴無全！！

做錯咗，就算你幾有理由點解要做錯事都好，幾有苦衷都好，還是錯！！不要以為你係女人就要俾面你。
本人曾經做錯過一件事，令我明白到，係人都識講做錯就要認，打就企定，但就算係幾十歲人真正面對後果的時候，原來包括自己都一樣立即阿嬸上身，什麼社會責任，承擔，都唔想關自己事。咁呢個社會死得啦，如果個個都咁樣．呢件事係咁嘅．．．．Ａ．．．．.都係唔講啦，我要講嘅係我到最後都好高貴咁樣負咗責任，冇咗好多錢，對得住人都對得住自己，但我真係好認真咁考慮過做個機場阿嬸㗎！！！！！！！！頂

學下點樣冷靜啦！！

2008-11-13T08:29:00.000-08:00

好嬲的時候我會去個大便！！我都想，不過唔係次次都去得成！！

今天煙雨凄迷．

2008-05-29T19:21:00.000-07:00

朋友,你們在做什麼呢？日子好過嗎？光景年華每秒漸逝，這生錯過了什麼沒有呢，明天可能不會來臨，要做的便去做吧，人一生，少點浪漫沒關係，多一點遺憾，活不過！！地動星移，莫問蒼天問鬼神！有始必有終，錯過了時晨，沒有了，下一個機會，可能下一個光年是有的！！只懂坐著的人，沒有福了！！

今天煙兩淒迷，明天地老天荒嗎？

極光之任性

2008-05-03T15:53:00.000-07:00

𠹶！！！！！！！一陣雷聲, 傱睡夢中驚醒，看看手機，才是零晨六點半！！怎辦呢，太早啦，但一醒，就很難入睡！！翻來覆去，還是起床算了。雨，下得好急．天，也朦．．．．最討厭香港的夏天，一味地下雨，好煩人！！人大了，不再任性，若果是前幾年，我會Check check自己的銀行存款，有三千, 立即去一趟泰國；有三萬，便去一趟英國加荷蘭。一個開懷心情，對我來說比什麼也重要。當時，我以為去冰島只是下一個冬天，誰知．．．

極光！！！

2008-05-03T10:00:00.000-07:00

西西里到底是什麼模樣；布拉格的雪景你看過了沒有,？還有希臘的藍白屋海？聽說向北極光許的願特別靈！！！哈哈哈！！為什麼不上網看看, 大家姐應到？冰島，我一直都想去；妹,！不要再發夢，快點睡，明天還要開工！！隨即，房燈關上了！！我沒有睡，我在想，有一天我會去的，不是上網看，一向討厭互聯網。

待續．．．

眼乾，眼瞓，發神經！！

2008-05-02T09:59:00.000-07:00

“累”，好累，非常累！！累了生存，累了交朋友,累了做人！！在這種情形底下，死係最好的解救！！我的而且確相信有些人死了比起生存好！！這係一個事實，而這個時候的我，死咗佢算吧啦！！！

唔知點算又想咁樣又唔想咁樣咁可以點樣，時下Ｄ港女到底係埋好似我咁樣咁唔知點樣但係以為自己好知想點樣跟住就搞到人地都都唔知點！！哎.！！！！！！！咁不如死咗佢算吧啦！！！呢個世界多幾個咁樣嘅人就不如世界未日啦！！啊！！！！！！！我知啦，係呢排嘅電視節目唔好至搞到我咁嘅，一定係無綫,同有綫同NOW同埋D電影唔好睇所以先搞到我無晒人生意義囉！！埋就係咁嗶，唔怕遲下好似有好多好戲睇咁我嘅人生就會回春了！！！

如果一世都可以嘅樣發神經都唔錯啊！！！哈哈哈哈哈哈哈哈！！！！！：（

/Users/ming/Desktop/Photo 1.jpg

成日口淡淡

2008-03-10T01:03:00.000-07:00

死啦！！唔好病啦，又覺口淡啖！！都唔知係年紀大沒有活力還是生活缺乏有趣的新鮮事物，總是沒有精神，想病的樣子似的！該妹囉，三十出頭咋喎，咁消極，唔好去死！！即時食翻粒無印出品粉紅綿花糖糖，讓條舌有翻些許少女味先,！！嘩，軟綿綿的糖糖果著清甜的白朱古力，咬落去唧時候，就如咬落情人手臂時的質感，好肉緊但又唔忍心出力咬落去的果種甜絲絲，由個心入面湧出來，啊.！！！好浪漫啊！！啊！！！病好啦！！

明天你要走了！！

2008-02-21T19:58:00.000-08:00

我唔會留你，因我知道我沒有這個能力，現在絶對不是一個太好的時機，你在我身邊不會有好日子過！！無論如何，我祝福你，找到真正愛惜你的主人，不要俾太多麻煩你的新主人，不要再胡亂咬嘢，我怕他們又會唔要你！總有，你嘅月經好唔可以來得短些少呢？？人地冇我咁好心機㗎！！！好嗎，乖乖地啦，知道嗎！！！

寫Ｄ嘢都好！！

2007-05-10T00:09:00.000-07:00

條魚同條狗拖住手仔走咗啦！！１佢地依家一定好開心，蹦蹦跳跳地咁在彩虹橋果度玩得好忘形，然後個心又一直等到底幾時會見到我呢？不過佢地等下又玩下，玩下又等下，又瞓下吃下總之佢地知我遲早會來揾佢地，所以都無謂了，橫惦佢地最勁果樣強項就係等主人返來．而個主人一定會返來，只不過有時真係遲咗些少，有時又好失暈，好幾次出門口連同你地講句拜拜都唔記得，但無論如何你地還是等我，見翻面之後，我不會再要你地等我㗎啦！！好掛住你地，玩得開心Ｄ！！！

衛斯女！！！

2007-04-12T20:44:00.000-07:00

倪匡！！你是我的愛人，十幾年前看你的【老猫】同【蠱惑】，今日再睇你嘅[頭髮】，一樣使人神魂顛倒！！今生未能成為你的白素，是我這世的最大遺憾！！哈哈！！！唔Ｑ知你老人家會否還對我這小女子的此番說話心痒，無論如何，我愛你！愛屋及烏，早一陣子連你愛子倪震的電台節目也窮追不捨，但求在你兒聲浪之間尋覓大人你些許才情，我係埋真的癡心一遍呢？！！！哎！！今生做唔成你條女，做你個女都好啊，可惜我無樣係，唔理啦，是但啦,！！！

由零至四歲的記憶！！

2007-02-11T20:11:00.000-08:00

無！！！

突然感性，so“九”le !!!

2006-11-27T09:54:00.001-08:00

如果出走可以免費，我該走得很遠；
如果傷心可以分給別人，我的朋友一定好慘！！

如果眼淚可以任意傾瀉，我想立即流失一口井的份量！！

如果今生也不會幸福，那我連品嘗的興趣也不會有！！

如果我真的萬刼不復，咁我依家要去shopping laaaaaaaaa!!!!

眼腫腫！！！！

2006-11-19T06:54:00.000-08:00

狂歡了一夜的後遺症便是第日宿睡不醒，就算醒了都會分不出上，中或下午！！！照一照鏡，眼腫腫咁，一對眼袋尋晚送嘅！迷糊之間想了一想，都很久沒有這樣子了！！想到這裏，個頭抽痛了下，定是昨晚喝多了些少，酒精未完消散的後果。於是反射性地打了一下自己的頭，然後再割了自己一巴，似乎清醒了但其實幫唔到件事！！算啦，淨係覺得好餓咋！！哈哈！！！

JUST CAVALLI,DONNA KARAN, JOHN GALLIANO,NINA RICCI,EMILIO PUCCI,MARC JACOBS,HUSSEIN CHALAYAN,BOTTEGA VENTA,DIOR,CHANEL,GUCCI,CELINE,RALPH LAUREN,D7G..

2006-09-22T00:33:00.000-07:00

J.......U........S....T CA....VA....L....................LI, DON....................N...............A
KA.......................................RAN..............,JO.............H...................N..............我並不是語障，我是練習串好這些所謂的名牌，好用來提防老人疾呆啊嗎！我又唔鍾意打麻雀，第時老咗咪念下呢D嘢來提下神練下記憶力lor，再唔係教埋隔來個阿婆念,有Ｄ細藝都好啊！！如果到時發埋達重好，埋著晒D名牌上身，由頭到脚都係，然係揰到D Friend 就考下佢地，喂四姑娘，你地估下我今日著咪嘢牌子啊??
四姑娘家陣應該中咗老人疾呆㗎啦，口振振咁估到天黑都重估唔到，然後我就會九秒九咁一輪嘴講我個帽係CHANEL NEL AH,件Ming 係DIORRRRRRRRRR AH,條裙係琴日個女送俾我既生日礼物（呢個時候唔晒唔通入咗棺材至來晒咪？？！！）係LLLLLLLLLLLLLLV,來㗎！對鞋咁slim就知係PRADA啦，重有話埋俾你知至cheap is my under嘅啦!!係Pravite Shop來㗎！！無......呢排見佢出晒奶力咁做廣告，廣告又屎都唔知邊家公司做嘅，咪可憐下佢地幫襯下，當係做好心lor.......
四姑娘家下應該走咗好久㗎啦．．．發温！！！

“凔”海桑田！！

2006-09-19T03:10:00.000-07:00

白兔牌吻百蜜，可以醫口內炎,緩和唇部腫脹，．．．．拿星阿，生完暗凔生非滋生完非滋唇凔（我知個凔字錯咗，唔好話我知，本人不在合理狀況下！）哈哈！！！個天好灰，做完個job重灰,生埋唇凔就足100灰！！拿星！！！！！！天作孽，不可活！！為了世界和平，防更年期提早來臨，本人就自作業，平衡下心理，腎完！！

冇心機，食自己，搭飛機，好憂皮！！！

2006-09-12T01:46:00.000-07:00

拿benefit的姻脂來，不過要先用IPSA粉底打好個底，再加上閃閃ＮＡＲＳ閃粉,不過要先在眼蓋掃點淡淡的Mocha啡．．．然後．．．好累了！！累就休息一下吧！！！醒來若錯過了王子的約會就唯有食自己了，但王子叫William的話,長眠也不足惜，聽說他是條咸蟲！！哈哈！！！哈！！醒來了嗎？？醒了就看看公主頭上的那花朵，多美啊！！！！！但美是有价的＄2００！！！

佳人你好！！

2006-09-08T02:44:00.000-07:00

對常以一身素色示人的你，在恰當的地方加一點紅，當堂把魂也招了回來，並不會使你成為全場焦點，但你絕對是柳暗花明的那位紅粉佳人！！紅黑配飾$180!

明哥！！明哥哥！！

2006-09-04T19:44:00.000-07:00

明哥近來好似又靜咗些少，唔介意借來用下做布景板吖嗎？？哈哈！！此乃一個心口針，有明哥哥磅住嘅心口針所以係好唔一樣的心口針!!!你鍾恴可以放在頭上扮COCO CHANEL又得．．．．售價$250

不說話了！！

2006-09-04T05:38:00.000-07:00

一杯米，一杯黑豆加四片薑．．．．．.六碗水煲埋一碗．．．．．醫口臭！！這是一個心口針,大多是系於心口的，你喜歡可以用來塞住把口！！來緊還有好多．．．．售價$180.

我前世一定係HEMAN

2006-08-31T01:13:00.000-07:00

我前世一定係HEMAN:

ＷＯＷ唔知點解我見親骷髏骨的Graphic就會由頭憎到落腳，相信我前世一定係Heman, 對飽咗骷髏頭堡今世怕怕!!
但女人就係咁矛盾，係唔鍾意但硬係要提啊,就係唔高興佢所以要唱佢吖嗎咁都唔明！再講啊，骷髏頭Graphic 都俾人玩到殘晒啦你點做都係悶㗎啦。唔通真係冇另類ICON代表IN or TREND 咪？？

禍水

2006-08-29T19:36:00.001-07:00

“

古人對女人認真克薄，把其形容為”禍水”，不知所為，以前封建重重,還是殺出了則天，呂后及慈禧，何況今時今日！男人若再自視過高，那就太可悲了！！近日有套西片正以“禍水”命名，都係圍住個女人來講嘅．．．．都不知什講．．．幾好．．好在張poster 夠靚引到人用60元來入戲院睇．但不知是否no budget或香港人唔睇CG唔過隱，套戲都幾悶。條女話明係天仙下凡但又一味呆咗係度，差D俾佢悶死！！哎喲．．．．．．總之揾笨啦!!